الأستاذ الشاعر.. محسن عبد العليم سلام....النص....إسمعي....
اسمعى
انتِ أجمل ألف مرة
لو جمالك جوه قلبك
مش مهم الخلق ترضى
المهم هترضى ربك
هو ايه فى الكون دا يغلب
لو إله الكون دا حبك
الأنوثه مش مجرد
حبة أحمر عــ الشفايف
الانوثه مش فإنك
تهوسى عقل اللى شايف
الانوثه نعمه غاليه
ربنا اللى إدهالك
وبإيديكى تحفظيها
أو تضيع من بين إيديكى
كل شئ فى الدنيا لما
بيداروه بيزيد جمال
والعفاف للبنت يغلب
أى شكل وأى مال
هو أحسن من عيونهم
تاخدى نظرة الاحترام
والا تاخدى سهم جارح
إسمه نظرات الحرام
الزهور بتكون جميله
طول ما لسا الشوك حاميها
بس لو يوم شوكها سابها
ألف إيد تتمد ليها
هو أحسن ترضى ربك
ولا ترضى الناس بحالها
هو إيه للبنت يشفع
شكلها ولا عملها؟
دا الجمال فى الجسم زايل
انتى شوفتيه دام لمين؟
والجمال فى الروح بيفضل
مهما بتعدى السنين
سيرة البنت العفيفه
هى أحسن شئ يدوم
حبرها مكتوب بدينها
مش بمكياج أو هدوم
إنسى مكياجك وسيبى
نور إلّهك يملى وشك
بدلى مرايتك بقلبك
مستحيل قلبك يغشك
انتِ أجمل ألف مرة
لو جمالك جوا قلبك
مش مهم الخلق ترضى
المهم هترضى ربك
هو ايه فى الكون دا يغلب
لو إله الكون دا حبك
======================
أسعد الله صباحكم بكل خير
محسن عبد العليم سلام
تعليقات