أهلا رمضان.....بقلم الأستاذ الشاعر هشام محفوظ
أهلا رمضان
شهر الرحمة شهر الغفران
شهر القيام شهر القرآن
أهلا رمضان
بتهل علينا تلاتين ليلة بالفرح
والهنا والنور منور حينا
شهر الإحسان والكل فرحان
بالصلاة والصيام ياريته
معانا طول السنة
أهلا رمضان
حالو يا حالو قولوا معايا
وأفرحوا وغنوا وكمان صلوا
شهر الغفران والخير كلو
وصلوا على النبى صلوا
شهر القيام شهر القرآن شهر
الإحسان ويابخت من فرح
غلبان وبالصلاة على النبي
العدنان الفرحة في كل
مكان وبيجمعنا آذان ونقوم
نصلي ونسجد بين إيد
الرحمان نطلب منه الغفران
وسيدنا النبي يخدني في
ظله لباب الريان
وحالو يا حلو رمضان كريم
وعلى النبي صلوا
أهلا رمضان
يا محلي اللمة قبل المغرب
واحنا بنستني المدفع يضرب
ساعة جميلة وليها معني
وصوت الشيخ م مَتَعنا والكل
هيمان في حب الرحمان
إللي بيدعي وإللي بيسبح
وإللي قاعد للشيخ يسمع
وعلى صوت المدفع
الكل بسم الله يقرب يفطر
على قمر الدين أو حتى
عصير شهر عظيم وخيره
كتير حاجة جميلة لمة العيلة
وكمان بنعزم بعضينا وبنفرح
قوي باللي يجينا من صحابنا
وقرايبنا وأهالينا وندعي ربنا
يدمْهَا علينا ولا يحرمني من
بعضينا وأهلا رمضان شهر
الرحمة والغفران شهر القرآن
بقلمى/ هشام محفوظ
تعليقات