~ЕХ, ЖЕНСКИ МИСЛИ~❤......بقلم الأستاذة و الشاعرة المقدونية....Biljana Gjorevska
❤~ЕХ, ЖЕНСКИ МИСЛИ~❤
Колку се убави ѕвездите
на небесниод свод.
А јас, милион желби
во моите мисли.
Додека погледот ми е
насочен кон прекрасниот
сјај на соѕвездието.
Само ти си ми во мислите.
Сакам да ме кренеш
во раце и да ме однесеш негде.
Не е битно каде,
само да сме заедно.
Сино небо,
ѕвезди без број,
јасна месечина.
,,Ти и Јас"
Таму каде што небото
ќе биде чисто.
Ѕвезда по ѕвезда
еден на друг
да си симнуваме,
додека се милуваме.
Знаеш душо, тревата зелена
со по некој цвет прошарана.
Така сакам,
тој рај го посакувам јас.
Легнати еден до друг,
насмевката на лицата
ќе биде најубавата декорација.
Песната на штурецот,
онака колку да ја
разбие тишината.
Сега знам ќе се смееш.
Но ете баш така сакам
да ги гледам ѕвездите,
држејќи се за раце.
Не, нема да се откажам
од ова патување.
Во планот на омилени дестинации ќе биде запишано.
Ќе се насмевнеш и ќе речеш:
,,Ех, дете остана,
сеуште не порасна "
Но сепак ќе одиме.
Ти ги исполнуваш
сите мои желби.
Сакам да одиме во
тој мој свет од фантазијата.
Во моите прегратки
да бидеш до изгрејсонце.
Колку убаво, нели ?
Се шегувам, не мора
да ги гледаме ѕвездите.
Доволно е да те гледам тебе.
Ти си моето соѕвездие.
Моето Сонце кое ме грее.
Мојата сјајна Месечина
во ноќите што ме чува.
Со твоите убави очина
ќе гледаш во моите усни.
Бакнувај ги како на мало
девојче пред спиење.
Немора ни да замислам желба
ако во случај падне некоја ѕвезда.
Бидеќи желбата
веќе ја искажав.
И така гушнати
далеку од реалноста,
толку блиску до вистината,
да ги гледаме сончевите
зраци како ни ги галат лицата.
И како ѕвездите
не оставаат сами.
Нас двајцата тие не
оставаат сами.
Како да знаат дека
во тој миг сме најсреќни.
Ех, колку прекрасни моменти.
Толку убаво.
Секоја вечер ќе бидеме само
Јас и Ти заедно со нашата ѕвезда ветерница.
Автор:
Билјана Ѓоревска
Република Македонија 🇲🇰
تعليقات