عن الفرحة........بقلم الأستاذة و الشاعرة رويدا عبد الحي
عن الفرحة
أما تبقي جواك مكسورة
وتعجز روحك
عن التعبير
عن الحلم اللي حلمته
وفجأة منه صحيت
تدور علي اللي كان
قدامك ولسه معاك
وفجأة يتبخر
ويطير دخانه
من الشباك
عن البسمه
اللي كانت لسه
علي وشك مرسومه
وتتقلب دمعه مكتومه
وضحكة باهته
خارج بأهه من جواك
عن الإنتظار القاسي
اللي حطم جواك
كل لحظه حلوة
كنت مستني تعيشها
وسجن جواك
كل كلمة غنوة
كنت ناوي
تبوح وتقولها
عن الإهمال
وعدم التقدير
بدون أعتذار
دي إشارة
مالكش مكان
متحاولش
خليك زي ما أنت
قافل علي نفسك
وخاتم علي قلبك
بختم الشعار
أبعد أحسن لك
وأحفظ اللي
باقي منك
قبل ما تضيع
وتلاقي نفسك
بتنعي قلبك
بحزن فظيع
بلاش احسن
صدقني باقي
الحلو هيقلب مرار
ده أنت كل الحكاية
يادوب قلب ضعيف
بينجرح بسهوله
وجرحه مش بيخف
صدقني ماهتقدر
علي الأطبا تلف
وايه يعني
أما تبقي وحيد
وإيه يعني
أما تبقي بعيد
وإيه يعني
أما ميبقاش
ليك مكان
وتعيش الحرمان
ماهو شيء
مش جديد
خليك زي ما أنت
إياك تلين
بدل ماتندب حظك
بالبكا والأنين
ياقلبي إفهم
بقي
كلهم في
الكدب صادقين
رويدا عبد الحي
تعليقات