يوم منايا......بقلم الشاعر سعيد حسان
( يوم منايا )
للشاعر // سعيد حسان
ٱنا نفسي ٱزورك يا نبي
يا رب حقق مطلبي
مهما الٱماكن بعدت
يا ٱرض طيبة قربي
مدي إديكي وسلمي
وبكل زاير رحبي
والمشتاقين زيي هنا
يا مكة مين فيهم غبي
ٱحلام حياتنا كلنا
مش مستحيل لو تطلبي
نادي علينا وٱمري
حاعمل من الريح مركبي
واطير بعيد فوق السما
والحب زادي ومشربي
وادوس على ترابك وانا
حافي دى ٱول مكسبي
يا كعبة يا بيت ربنا
يانفسي جودي واتعبي
دا يوم منايا ومنيتي
لو تسمحي وتطبطبي
( يوم منايا )
للشاعر // سعيد حسان
تعليقات