شعاع الحب.....بقلم الشاعر محمد الشادلي
( شعاع الحب )
ف حضن الليل ف عز الضلمه
انا لقيتك
ساعه ما نسيت لطعم البسمه
حبيتك
وفجأة لقيت ... شعاع من نور
بيتسرسب
يخضر أرض..... شوقى البور
بدون ما حسب
فقام قلمى إللى كان مكسور
صبح يكتب
يقول يحكى ما ف الوجدان
ويوصف فرح ...ف الأحزان
بيخلى لنفسه .....فيها مكان
ويطوى الحزن... ف النسيان
خلاص يا حزن روح وارحل
وسيبنى أعيش يومين أجمل
خلاص حسيتها عشقانى
وأنا ف هواها أنا.... مكمل
فأرحل عشرتك طالت
وسيبنا ندوق حلا البسمه
وسيب لعينينا طاقه نور
تشيل الحزن و العتمه
،،، محمد الشاذلي ،،،
تعليقات